Opsomming
God vergewe ons baie, maar God vergewe ons nie die kwaad wat ons ´n kind aandoen nie.
Aan die een kant van die berg, in die Lange Kloof, woon Fiela Komoetie, verknog aan haar hanskind – deur die Here aan haar ‘toebetrou’ een nag toe sy hom as driejarige gekry het waar hy voor haar deur staan en huil, ´n weggooilam. Aan die ander kant van die berg, in die Bos, woon die houtkapper Elias van Rooyen en sy vrou Barta, wie se driejarige kind weggeraak het.
Die een kind is Benjamin Komoetie, die ander Lukas van Rooyen. Is dit dieselfde mens? Kon ´n klein kind so ver geloop het, uit die Bos tot in die Lange Kloof? Dié vraag word nege jaar later oopgekrap deur twee sensusmanne wat deur die Lange Kloof reis en die wit kind met die blou oë tussen die bruinmense kry.
En jare later is dit die vraag wat Benjamin/Lukas self vra: Wie is ek? Hy móét weet, anders kan die vrou wat hy liefgekry het nooit syne wees nie. Die antwoord is daar, weet hy: iewers in homself, diep verskuil in die verlede, bly dit hom ontwyk.
- Fiela se kind is in Engels, Duits, Frans, Hebreeus, Nederlands, Sloweens en Sweeds vertaal.
- Fiela se kind is suksesvol as ‘n verhoogstuk, ‘n musiekblyspel en ‘n opera aangebied.
- Fiela se kind is deur Katinka Heyns van Sonneblom Films as ‘n film vervaardig.
- Fiela se kind word in 1999 as Afrikaanse Boek van die Eeu aangewys in ‘n meningsopname onder 350 biblioteke landwyd om die Top 100 Boeke te bepaal. JRR Tolkien was eerste, Fiela se kind in die tweede plek en Kinge in ‘n bos in die derde plek.
- Exclusive Books het in 2007 ‘n lys van 101 Books to Read Before You Die aangekondig. Slegs drie Afrikaanse boeke het hierdie lys gehaal, en dit sluit Kringe in ‘n bos en Fiela se kind in.
Artikels
- Onderhoud in Die Burger, 22 Maart 1985
- Luigat: sê Fiela se kind se ma so uit haar hart uit vir Elias…
